PRESENTACIÓN

INFORMACIÓN TÉCNICA

Día: 6 de novembro de 2016 
Hora: 10:30 h.
Saída e chegada: Camping Ría de Arosa II-Balteiro-Ribeira
Información: Arousa NeO
Inscricións: www.galitiming.com
Páxina web oficial: www.arousa.com - E-mail: contacto@arousa.com
Teléfono de información: 638 811 000
Distancia: 1,5 km. Trail + 18 km. en BTT + 6,5 km. Trail
Custe inscrición: 16 € individual - 26 € equipo. Existe a posibilidade de bonificar este importe inscribíndose para o DUATLÓN TRAIL DA POBRA simultaneamente. Nese caso o custe sería 28 € pola inscrición individual e 48 € pola do equipo.
Data límite inscrición: 30 de outubro (ou ata completar as plazas)
Límite de prazas: 250

Chegamos ata a quinta edición deste consolidado Duatlón Trail no calendario con importantes novidades. A primeira delas e a destacar é o cambio de data para o primeiro fin de semana de novembro, e a segunda e a nivel deportivo a inserción dun pequeno tramo de trail na saida co que esperamos dar atendidas as peticións que nos facíades chegar de incorporar unha segunda transición, e ademais alargar un pouco máis a proba. O tramo, coma de costumbre, será breve pero intenso.

Respetamos o segundo tramo de Trail que tanto vos gustou o ano pasado, e esperamos que o disfrutedes coma mínimo igual que sempre. Tamén respetamos o trazado en BTT ainda que sempre quedará sitio para algunha sorpresa. Xa sabedes como as gastamos, e non queremos deixar de sorprendervos.

Sobre a competición en si mesma, atención aos premios e ás variacións sobre todo nos trofeos para os equipos: teremos premios para os TRES PRIMEIROS EQUIPOS independientemente si son masculinos, femeninos ou mixtos; ainda que para competir en igualdade de condicións bonificaranse as categorías con 15 minutos ao equipo mixto, e con 40 minutos ao equipo femenino.

E por último unha pequena variación respeto do custe da inscrición: aqueles participantes que se inscriban para o DUATLÓN TRAIL DA PROBA (27/11/2016) abonarán 28 € polas dúas probas, e os equipos 48 €. Toda a información sobre o DUATLÓN TRAIL DA PROBA na páxina específica dese evento.

Nesta edición tamén contamos con cronometraxe dual RFD mediante chip a cargo de Galitiming, pantalla con resultados en directo, reloxos electrónicos con crono na liña de meta e na transción, camiseta técnica conmemorativa, e dorsal personalizado en Tyvek.

Os perfiles dos dous tramos son os que quedan nesta imaxe (premendo sobre ela verédela a maior resolución):

No mapa indicamos as mellores posicións para os afeccionados que desexen seguir a proba, tanto para dar ánimos como para tomar algunhas fotografías, ainda que sen lugar a dúbidas o mellor punto é a aldea de Balteiro xa que por alí chegan a pasar os participantes ata 5 veces en moi poucos metros:

REGULAMENTO

• A saída darase Camping Ría de Arosa II, situado en Balteiro, parroquia de Olerios no concello de Ribeira as 10.30 horas. 
• Os atletas deberán situarse na zona de saída 10 minutos antes do comenzo da proba.
• O percorrido desenrolarase maioritariamente nun circuito polo monte, constara de unha primeira parte nun recorrido de 1,5 km. na modalidade de carreira a pé, un segundo tramo na modalidade de ciclismo BTT con unha distancia de 18 kms. (nesta especialidade de ciclismo é obrigatorio o uso de casco), e continúa con unha segunda parte na modalidade de carreira a pé de 6,5 kms.
• A organización non pode garantir a cobertura en todo o longo do percorrido.
• A organización, nun punto determinado do percorrido, establecerá un control para retirar a todolos participantes sin dorsal.
• Os participantes están obrigados a informar do seu abandono no control de chegada.  
• Todo aquel atleta que na segunda transición do kilómetro 18 (tramo BTT) faga un tempo superior a 2 horas queda descalificado e fora da proba. Establécese un tempo máximo de 2:45 horas para a realización da proba (Trail+BTT+Trail). A partir dese intre os corredores que permanezan en ruta deberán abandonala e non se garantirá a súa cobertura por parte da organización.
• A organización vai dispoñer de un box  nas instalacións do camping para que os participantes poidan deixar o mateiral e facer as transiccións. A entrada de BTT na zona de box facerase a pé a partir dun punto debidamente balizado, o participante que non a respete e continue na bicicleta a partir dese punto será descalificado. No box soamente poden estar os atletas participantes, estando prohibido o acceso a calquer outra persoa allea a proba. O avituallamento intermedio vai estar instalado neste punto durante a segunda transición, constara de auga. 

• O número máximo de inscritos será de 250.
• Crease unha modalidade por equipos de dúas persoas, na que un dos membros participará na modalidade de BTT e o outro nas de Trail:
• @ participante no Trail tomará a saida na primeiro tramo e daralle o relevo ao compañeir@ nunha zona do Box reservada para eles.
• @ participante na BTT entrará no Box e deixará a bicicleta no lugar asignado, e dirixirase ata o seu compañeiro/a para darlle a saída golpeando as máns. O incumplimento deste requisito conleva a descalificación do equipo.
• Está rigurosamente prohibido o acompañamento dos participantes mediante o uso dalgún vehículo de apoio. A non contemplación desta norma implicará a descalificación dos atletas acompañados.
• Os membros da organización teñen potestade para retirar da proba a calqueira participante si consideran que a condición física ou a súa actitude o requer, asi como a todos aqueles que corran sin dorsal.
• Os participantes están obrigados a auxiliar a outros participantes que precisen de axuda, así como a respetar as regras de circulación nos tramos e cruces de carreteiras.
• Os participantes están cubertos por un seguro de accidentes deportivo nas seguintes condicións:
• Finamento por accidente: 6.000 €
• Invalidez por accidente: 12.000 €
• Asistencia sanitaria en centros concertados: ILIMITADA
• Os participantes asumen que existe o risco dun accidente de gravidade, e están nas súas mans prever e minimizar ese risco evitando unha actuación que o poña en peligro a él ou a terceiros.
• Os participantes son conscientes que non sempre se pode acceder cos servicios de emerxencia adecuados a todas as zonas do percorrido.
• Os participantes deben empregar con dilixencia os equipos de protección propios adecuados ademais daqueles que a organización considere obrigatorios (casco). Os equipos de protección deben empregarse sempre ca finalidade e uso que foron deseñados.
• Os participantes son responsables daquelas accións que causen un dano moral, material ou físico a outros participantes e a terceiras persoas.
• A idade mínima é de 18 anos. Calquer membro da organización pódelle pedir a un participante que acredite a súa idade co DNI (ou similar).
• Arousa Natureza e Ocio non se fai responsable dos danos morais ou materiais que ocasione a participación nesta carreira. 
• A organización facilitará o tempo final da proba.
• Cada participante é o responsable de localizar e seguir as marcas (esprai laranxa e cintas de tela laranxas) que balizan o percorrido.
• Os participantes autorizan á organización a utilizar a imaxe fotográfica ou videográfica dos corredores durante a proba e a súa vinculación co evento.
• Os participantes están obrigados a informar do seu abandono no control de chegada.

• É obrigatorio o uso –adecuado- do casco no tramo de BTT.
• É recomendable antes de tomar a saida portar un bidón ou recipiente con líquido e en cantidade suficiente que permita chegar ós avituallamentos indicados.
• É recomendable levar un teléfono móvil con batería e saldo para estar en contacto ca organización si fora preciso.
• É obrigatorio levar roupa axeitada ás condicións climatolóxicas reinantes no día da proba. A organización resérvase o dereito a retirar a calquer corredor que non cumpla esta recomendación.
• A tódolos/as participantes facilitaráselle un dorsal, que deberán levar en lugar visible (a altura do peito) ata o remate da carreira, sendo descalificado o corredor que chegue sen dorsal. 
• A organización non se responsabiliza do deterioro, perda, ou extravío do material empregado durante a proba.

• Prazo de inscrición ábrese o 10 de Outubro e remata o 30 de Outubro (ou ata agotar as prazas)
• As inscricións realizaranse a través da web www.arousa.com ou www.galitiming.com nun formulario habilitado para tal fin. Poderase comprobar na mesma web a listaxe de inscritos.
• Prezo da inscrición é de 16 € para corredores individuais, e 26 € por equipo. Existe a posibilidade de bonificar este importe inscribíndose para o DUATLÓN TRAIL DA POBRA simultaneamente e abonando 28 € pola inscrición individual e 48 € pola do equipo.
• A inscrición da dereito a participar na proba, servizo de cronometraxe electrónico con tempo final e intermedio, dorsal personalizado, regalo cortesía, cobertura do seguro, servizo de duchas, e acceso aos avituallamentos intermedio e final.
• A non participación, retirada ou descalificación da proba non implica a devolución do importe.
• A petición de inscrición implica o recoñecemento por parte do atleta que dispón da capacidade física e psicolóxica para participar neste tipo de proba.
• A inscrición na proba implica a aceptación do presente regulamento sin reservas.

• A organización disporá de avituallamento intermedio de líquido situado na zona de transición entre as dúas probas.
• Disporase de un avituallamento final de líquido e froita na liña de meta.
• A organización dispón de recipientes para depositar os restos e envases, a non utilización deles supondrá a descalificación do participante.
• O Camping Ría de Arosa 2 pon a disposición dos atletas vestiarios e duchas no mesmo lugar da saída.

• O mesmo día da proba no lugar de saída, entre as 09:30 h. e 10:15 h.
• Si a organización o solicita debe acreditarse con documento oficial a titularidade do dorsal.
• Recoméndase seguir as instruccións da organización e dirixirse á mesa indicada ca inicial do seu apelido para axilizar a retirada.
• E imprescindible para a retirada do dorsal ter presentado (pódese presentar no momento) a FOLLA DE RESPONSABILIDADE E MANIFESTACIÓN; a organización resérvase o dereito a non entregarlle o dorsal a aquel participante que non a tivera presentado.

• Recibirán trofeo:
• Os 10 primeiros homes.
• As 3 primeiras mulleres.
• Os tres primeiros equipos: aos que se lles aplicará unha bonificación de 15 minutos aos equipos mixtos e de 40 minutos aos equipos nos que os dous integrantes sexan féminas.
• O clube máis numeroso (deben inscribirse todos os participantes -tanto os que participen na categoría individual coma por equipos- co mesmo nome de equipo, sen variacións).
• O/A participante máis veteran@.
• Ao mérito deportivo: a organización atendendo ao comportamento en carreira dos participantes e á súa conducta deportiva designará o gañador/a.
• Si a organización o considera necesario solicitará xustificar documentalmente a idade e condición dos atletas para poder acceder aos premios.

• Si o participante amosara unha conducta antideportiva.
• Si o participante retira sinais da carreira.
• Si o participante non remata o percorrido.
• Si o participante non atende as indicacións da organización.
• Si o participante non porta o material obrigatorio.
• Si o participante atenta contra o medioambiente.
• Si o participante non auxilia a outro participante que o solicite.
• Si o participante abandona o percorrido ca finalidade de atallar ou adiantar a outros participantes.
• Si o participante pon en risco a súa integridade ou a de outros participantes cunha conducta manifestamente temeraria.

• Calquer outra disposición non recolleita neste regulamento resolverao a organización. Non cabendo recurso.
• A organización resérvase o dereito a modificar os percorridos, ou incluso a suspender a proba de existir algunha alerta meteorolóxica e/ou o aconsellen as autoridades; de acontecer este suposto, trasladaríase ao domingo día 7 de decembro.
• Calquer tipo de reclamación deberá ser realizada inmediatamente despois do remate da proba para non entorpecer o desenvolvemente da mesma.
• Arousa Natureza e Ocio non se fai responsable dos danos físicos, morais ou materiais que ocasione a participación nesta carreira. 
• O descoñecemento deste regulamento non exime do seu cumprimento.

 

CLASIFICACIÓN

• CLASIFICACIÓN XERAL INDIVIDUAL
• CLASIFICACIÓN XERAL DE EQUIPOS
• CLASIFICACIÓN XERAL DE EQUIPOS (sen as bonificacións)

RECORRIDO

CÓMO CHEGAR

• Dende Santiago de Compostela: 66 km. - 50 min. (ver itinerario)
• Dende Noia: 34 km. - 39 min. (ver itinerario)
• Dende Vigo: 92 km. - 1 h. 7 min. (ver itinerario)

AGRADECEMENTOS

Agradecemos a colaboración das seguintes entidades:

CONTACTO