AROUSA NORTE 2018
REVOLUTRION TRAIL SERIES
29/4/2018
A Serra do Barbanza lánzache un desafío.
Queres vivilo?
ULTRATRAIL DE 60 km. (Ruta A)
60 km. de monte, de picos en serra, de prados, de rios, de vistas espectáculares, de vestixios arqueolóxicos que che levarán a descubrir os encantos naturais de Arousa-Norte. Poden parecer moitos, pero cando remates, de seguro que querrás mais.
Á vista pode parecer un perfil esixente, pero o reparto das subidas con zonas de transición que permiten recuperar da fatiga, a situación dos avituallamentos e a variedade que podes atopar neles, e o apoio da organización, fan moito máis doado este recorrido.
Como sabemos que @ corredor/a debe ir o máis seguro de sí mesmo, centrándose únicamente nas sensacións que lle vai transmitindo o seu corpo para dosificar o esforzo, nesta edición implementamos o seguimento por GPS para tod@s @s inscrit@s nesta distancia; un pequeno dispositivo similar a un mando de apertura da porta dun garaxe que nos permitirá saber á organización na posición na que se atopa cada participante, e donde só con desviarse 100 m. do recorrido, xa nos advirte automáticamente que hai un/unha corredor/a desorientado e poñernos rápidamente en marcha para retornalo á senda correcta. Porque nós tamén corremos, e sabemos que a fatiga mental é mais traidora que a fatiga física, e leva a pérdidas de atención que nos poden asaltar en calquer momento sin ser conscientes. O mesmo dispositivo permitirache solicitar axuda inmediata xa que incorpora un botón de S.O.S.; e tamén compartir a túa carreira nas redes a tempo real, podendo enviarche ánimos todos os que che aprecian.
AO DETALLE
Compartindo a saida cos participantes da ruta B, levará tod@s xunt@s ata o Alto de Forcados, para desviarse un kilómetro máis adiante, e encarar outra subida técnicamente difícil e físicamente esixente: o Alto do Inxerto (647 m), coronando así o punto máis alto desta ruta, e transitar logo pola cresta da Serra do Barbanza (xunto co monte lle da nome á serra: Monte Barbanza) e baixar vertixinosamente hacia os Cháns do Barbanza: unha meseta de firme cómodo, de herba baixa, e que levará aos corredor@s nun paseo pola historia da bisbarra: a Arca do Barbanza (dolmen), a casota medieval, e a ruta das mamoas, desembocando na Casota do Páramo (dolmen).
Logo do avituallamento na Graña, chega a parte "doada", cunha baixada non moi técnica (pista) duns 3 km. que nos axuda de novo a coller o tono muscular de cara a enfrentarnos á subida ata o Castelo de Vitres, pisando polos restos da antiga Calzada Romana de Vitres (pertencente á "Per Loca Marítima"). Unha vez coronada a cresta, tocará chegar ata o Alto do Salgueiro, e comezar a baixar antes de encarar a subida do río San Xoan, cas súas espectaculares pozas e fervenzas que invitan a sumerxirse nelas.
Completada a subida e aos pes da Curotiña, voltamos polo Cruceiro de Moldes ata o monte de San Alberte e chegar de novo a Ribeira, polo paseo de Coroso.
AVITUALLAMENTOS
Avituallamento km. 8
Avituallamento km. 14
Avituallamento km. 18
Avituallamento km. 25
Avituallamento km. 33
Avituallamento km. 41
Avituallamento km. 47
Avituallamento km. 52
Avituallamento META
@s participantes nesta ruta teñen incluido o menú do día no Mesón Castelao no prezo da inscrición.
OS OUTROS RECORRIDOS
Minitrail/Andaina
Trail
SABER MÁIS
SABER MÁIS
INFORMACIÓN ADICIONAL
Consulta o regulamento
Recomendamos ler con atención e solicitar aclaración daqueles puntos nos que albergues dúbidas
Trofeos
Dúas categorías: Senior e Veterán
Cál che corresponde?